Greatest experience ♥

來到奧地利，除了維也納，薩爾斯堡常常聽見之外，Hallstatt 呢個小鎮係一定要到的！！！ 

而且譽為十九個小鎮當中必到之一。

留學於奧地利的我怎能不去呢？！ 嘿嘿。

由於都上網做過搜集，發現多數人都話Hallstatt 很細，所以我們一天遊！！！

由KREMS搭OBB（火車）去要4個小時，就算由維也納去也差不多，很多人都會選擇Hallstatt 連 Salzburg 一齊去！！ 

搭火車去到之後再搭5分鐘左右的船就會到HALLSTATT 架啦！！！ ：）

天氣好真是一個很重要的因素！ ：D  風景如畫 ！ 

副國際象棋好大副好得意呀 ^_^

其實HALLSTATT 好細，好多餐廳，基本上睇岩邊間就食邊間都無問題，而我們就簡呢間望湖邊的餐廳

HALLSTATT 出名食魚架！ 雖然唔會好似中國咁蒸魚，都係煎魚，但真係食得出比其他歐陸地區的魚新鮮得多！！ 

餐廳環境 ：） 很棒吧！！ 

食飽飽可以做咩呢？ 建議遊船河，價錢都好抵！ 16歐1個鐘（電力船，不用自己踩）

湖景真係好靚，好舒服，雖然戈日好熱好熱，但湖水係好清，好冰涼，好乾淨！！

亦有外國人直情遊船晒太陽！ （呢款唔係16歐電力船）

綠油油的湖水，加上藍天白雲，真係好舒服！

朋友和我的合照。嘿嘿。

遊完船河，再行多陣，整個下午就結束了，由於要搭上OBB，所以我們下午5點就要離開了。

雖然時間唔長，但都覺得呢個下午好休閒，好舒適，好舒服。 如果係HALLSTATT 住一晚相信真係好正，因為見到每幢HOSTEL／APPARTMENT 外表都好靚好靚！！